Dalmacija moja inspiracija

svitu moj ovo van je najlipje vrime u godini...zvizdan je popustija ali je još teplo a dani su se skratili...grozje je sazrilo i vrime je o jematve...a počele su i lignje...nezna čovik di bi prije...ali prvo vaja sredit vino...ja van pravin Planac to van je coupage od merlota i vranca...jema več puno godin da grozje kupujen kod vinogradara Pere iz malega mista iza Biokova Otrić - Seoci u Pojezerju...ka je grozje došlo u konobu jemalo je 19 gradi cukra...petejke su odma odvojene i nakon nikoga vrimena je počelo kuvanje...evo moran drop ladit bocam sa ledon...jema malo fibre...pa triba kalat fibru...još par dan pa ču ga pritočit da bi onda nastavija lagano vrit...svake godine je mala nervoza kako če vino bit, boje nego lani oli če pinkicu podbacit...mi još pijemo berbu 2007 a 2008 če na red doč poza Nove godine i tako smo uvatili ti ritam da nan uvik jedna godina odleže...a pripremen i lipu etiketu, evo je prošla sve komentare u familiji i na promaliče čemo je počet duperavat i obečajen da ču je meknit ovod...kažu da je u vinu istina...bar da jema čagod u ča čovik more virovat...

evo van ricete za zimske dane kad se bura sa jugon minja...vazmen lipe okrugle kapule...sa ovin pomagalo na litratu i izdubin...bokuniče sačuvan...u duboku zdilu stavin mišano meso...dodan jaje...grezo rizanega selena...na sitno rizanu kapulu...na sitno češnjaka...žlicu konšerve...maslinova uja...samo poškropin...sol papar...sve lipo izmišan...sa tin nadivan kapule...u drugu teču ulijen mišanoga uja...kad se uje zagrije dodan žlicu maslaca...to van je da se kapula koju ču sad dodat lipo zažuti a i za povezivanje toča...onda opet grezoga selena...i konšerve jedno tri žlice...priko tega pospen finega glatkega brašna...sve zalijen sa geveđin temeljcem...temu dodan jedno šest štrukani pomidora...kad je malo iskuvalo meknen nadivene kapule i poklopin...neka kapule budu skoro pokrivene...to van nije ni juva ni gusti šug...znači razumili smo se...povremeno se trese sa tečon...uz to jidemo dinstanu rižu...pospe se malo gratanega sira...mi smo uz to jili i kuvane kruške u crnemu vinu...a provali smo i naše mlado vino...po je merlot a po je vranac...zadovojan san...neka još zrije...uslast...

lani nisan činija vino jerbo nas nije bilo u dalmaciji...putovanja, posal, unučad tako da ga je još bilo ostalo...ove godine san u vinogorju otrić seoci kraj vrgorca kupija 450 kili grozja pola je bija vranac a pola merlot...gradacija 21...otok je bija jušto 200 litara...a ostalo san isturnja i onda stavija u drugu bačvu...cukar je kod mene samo za kolače...mora san poslon u NL tako da če mi susid vino otočit i ispeč rakiju...ovo če bit vino kako struka zapovida...a još san zaboravija reč bi če i ništo opola jedno 40 litara i to sa odrine...nek se nađe za bevandu...dogodine gren činit bilo vino...pijte ga... samo neka je sa miron...da ste mi dobro...i uzdravje